Madridning "Real" klubi jamoatchilik bilan aloqa direktori Emilio Butrageno bosh murabbiy Rafael Benitesni qo'llashlarini bildirdi.
"Jamoamiz jarohatlar tufayli ko'plab yo'qotishlarga uchradi. Ammo shunga qaramay yaxshi natija qayd etib kelmoqda.
Bizga nisbatan talab juda katta va biz mavsumdagi ilk mag'lubiyatga uchradik. Klub Benitesni batamom qo'llaydi. Bu o'rinda gap tajribali murabbiy haqida ketmoqda.
Garchi uning ishlari oxirgi haftada u qadar yaxshi kechmagan bo'lsa ham, biz unga ishonamiz", - deydi Butrageno.
Eslatib o'tamiz, ayni vaqtda "Real" 24 ochko bilan Ispaniya chempionatida ikkinchi o'rinda bormoqda va etakchilik qilayotgan "Barselona"dan uch ochko ortda qolib ketgan.
— deya xabar beradi uff.uz nashri.