Madridning "Real" klubi himoyachisi Serxio Ramos "Sevilya"ga qarshi kechgan uchrashuvdagi mag'lubiyatdan so'ng (2:3) ruhan tushkunlikka tushmasligini bildirdi.
"Biz odatiy harakatchan o'yinimizni namoyish eta olmaganimiz boisidan yutqazdik. Bunday o'yinlarda chempionlik taqdiri hal bo'lishi mumkin va biz qimmatli uch ochkoni yo'qotdik. Terma jamoalar bilan bog'liq tanaffusdan so'ng o'zimizga kelishimiz lozim.
La liga hali uzoq vaqt davom etadi va chempionlik poygasi hali ming marta o'zgarishi turgan gap. Ammo baribir mag'lubiyat juda alamli", - deydi Ramos.
Eslatib o'tamiz, "Real" ayni vaqtda "Barselona"dan uch ochko ortda bormoqda va ikkinchi o'rinni egallab turibdi.
— deya xabar beradi uff.uz nashri.