“Nasaf”ning serbiyalik hujumchisi Dragan Cheran chempionatda o'tkazilgan 3 turning barchasida gol urishning uddasidan chiqdi. Bu bilan u nafaqat “Nasaf” jamoasining to'purari, balki chempionat to'purariga ham aylandi.
U “So'g'diyona” jamoasiga qarshi uchrashuvda o'zining ilk dublini qayd etdi. “Nasaf”ning yana bir hujumchisi Shaxboz Erkinov esa kubok bahslarining to'purari bo'lib turibdi. U “Lokomotiv-BFK”ga qarshi uchrashuvda to'rtta gol urgan.
Eslatib o'tamiz, Dragan Cheran o'tgan mavsumning ikkinchi yarmida "Nasaf" safida raqiblar darvozasini 12 marta ishg'ol qilgan edi.
— deya xabar beradi uff.uz nashri.