Jahon chempionati-2018 ikkinchi saralash bosqichi doirasidagi Shimoliy Koreyaga qarshi o'yin oldidan O'zbekiston milliy terma jamoasi himoyachisi Davron Xoshimov ham O'zbekiston Futbol Federatsiyasi matbuot xizmatiga qisqacha intervyu berib, o'yinoldi fikralari bilan o'rtoqlashdi.
Milliy terma jamoa tarkibida to'rt bora maydonga tushgan qanot himoyachisi so'nggi yig'inlarga doimiy ravishda jalb etilayotgan bo'lsa-da, asosiy tarkibdan o'rin olmayotganiga izoh berar ekan, shunday dedi: “Biz bir jamoamiz. Kimning asosiy tarkibda maydonga tushishi muhim emas. Bu borada murabbiylar qarorini hurmat qilaman. Eng muhimi — g'alaba. Asosiy tarkibda kim tushishidan qat'iy nazar o'yinni g'alaba bilan yakunlasak bo'lgani”.
Hozirgi vaqtda milliy terma jamoa o'ng qanot himoyasida harakat qilayotgan Islom to'xtaxo'jaev haqida gapirar ekan 23 yoshli “Paxtakor” himoyachisi shunday dedi.
“Islom To'xtaxo'jaev juda yaxshi futbolchi. U himoyada doimo tartibli o'yin namoyish etadi”.
Shuningdek, Davron bo'lajak o'yinda jamoa hujumkor o'yin namoyish etishini ham ta'kidladi.
“Biz KXDRga qarshi o'yinda asosan pozitsion va tezkor hujumlarga tayanib, hujumkor o'yin namoyish qilamiz”.
— deya xabar beradi uff.uz nashri.