Toshkentning “Bunyodkor” jamoasi qisqa ta'tildan keyin bugundan boshlab yana mashg'ulotlarga kirishmoqda.
Jahon chempionati-2018 va Osiyo Kubogi-2019 munosabati bilan oliy liga o'yinlarida ikki haftalik tanaffus e'lon qilingan edi. Shu munosabat bilan “Bunyodkor” futbolchilari 5-8 noyabr kunlari ta'tilda bo'lishdi. Bugundan boshlab yana mashg'ulotlar davom ettiriladi.
Oliy liga so'nggi turi doirasida “Qo'qon-1912” jamoasiga qarshi kechadigan bahsga qaratilgan tayyorgarlik jarayonida “qaldirg'ochlar” Toshkentning “Lokomotiv” klubi bilan nazorat uchrashuvi o'tkazadi. Nazorat uchrashuvi 14 noyabr kuni TTYMI stadionida soat 14:00da boshlanishi rejalashtirilgan.
30-turning “Bunyodkor” – “Qo'qon-1912” uchrashuvi 20 noyabr kuni “Bunyodkor” stadionida soat 14:00da boshlanadi.
— deya xabar beradi uff.uz nashri.