Kecha Qatar yulduzlar ligasining 24-turiga start berildi. O'zbekiston terma jamoasi vakili Temurxo'ja Abduholiqov va Sanjar Shoahmedov to'p surayotgan "As-Sayliya" jamoasi safarda "Muayzir" mehmoni bo'ldi. O'zbekistonlik futbolchilar — Abduxoliqov va Shoahmedov "Sayliya" tarkibida uchrashuvni boshlang'ich tarkibda boshladi.
Uchrashuvning ilk 5-daqiqasida Ahmad Yosinning goli evaziga mezbonlar hisobni ochishdi. 30-daqiqaga kelib mehmonlar penalti tepish huquqini qo'lga kiritdi. Uni Temurxo'ja Abduxoliqov aniq amalga oshirdi. Bu Abduholiqovning mavsumdagi beshinchi goli bo'ldi. 
1:1 hisobi o'yinda yakuniy hisob bo'lib qoldi. Uchrashuv tugashiga 4 daqiqa qolganida Sanjar Shoahmedov zaxiraga olindi.
Ushbu durangdan keyin "As-Sayliya" o'z ochkolarini 27taga etkazdi va jadvalda 9-o'rinda bormoqda. Marhamat Abduholiqovning golini tomosha qiling: Agar videoni ko'rishda muammoga duch kelgan bo'lsangiz, unda bu erga bosing.
— deya xabar beradi uff.uz nashri.