Grand klublarning o'ziga xos qoidalaridan biri - bu chempionatdagi boshqa klublarni muntazam ravishda kuchsizlantirib borish. Ayniqsa, raqobatchi jamoalar tarkibini «talon-taroj» qilish odat tusiga kirgan. Germaniyada «Bavariya», Italiyada esa «Yuventus» bu ishni qoyillatsa, Ispaniyada «Real» alohida o'rin tutadi. Chunonchi, boshqa jamoalar safida porlagan aksariyat yigitlar «Qirollik klubi» a'zosiga aylanishni istashadi. Madridliklar shu moyillik evaziga primeroda ko'zga tashlangan istiqbolli futbolchilarni «o'g'irlash»da katta muammo sezishmaydi. Mana, quyida «Real» tomonidan oxirgi 20-21 yil ichida «o'g'irlangan» o'yinchilar ramziy termasi jamlangan. U bilan tanishib, «Madrid» siyosatiga qoyil qolishingiz mumkin. Darvozabon. Keylor NAVAS. 2014 yili «Levanta»dan 10 million evroga sotib olindi. «Qurbaqalar» Kosta-rikalik kiper uchun 2 yil oldin atigi 150 ming evro to'lashgandi. Himoyachi. Michel SAL'GADO. 1999 yili «Selta»dan 6 million evroga sotib olindi. Michel shu tariqa «Qirollik klubi»da 10 yil to'p surib, «Santyago Bernabeu» afsonalari qatoriga qo'shildi. Himoyachi. Raul AL'BIOL'. 2009 yili «Valensiya»dan 15 million evroga sotib olindi. Don Florentino Peresning bitta ishorasiyoq Raul Albiolning «Real» libosini kiyishini ta'minlagandi. To'g'ri, u birinchi mavsumdagina asosiy tarkibning «temir» futbolchisi bo'ldi, Joze Mourino davrida esa chetga surildi. Himoyachi. Serxio RAMOS. 2005 yili «Sevilya»dan 27 million evroga sotib olindi. Andalusiyaning Kamas shahrida tug'ilgan Ramos «Madrid» taklifini qabul qilganida hali 20 yoshga ham to'lgan emasdi. Uning ortda qolgan 12 yilda 27 «limon»ni necha martalab oqlaganiga shubha yo'q. Himoyachi. Ivan EL'GERA. 1999 yili «Espanol»dan 2,5 million evroga sotib olindi. «Real»ning yangi tarixida amalga oshirilgan eng omadli xaridlardan biri. Axir atigi 2,5 «limon»ga tushgan kantabriyalik «ovchi» keyinchalik superklub tarkibida 300 martadan ko'p maydonga tushib, uning yuragiga aylandi. Yarim himoyachi. Klod MAKELELE. 2000 yili «Selta»dan 14 million evroga sotib olindi. Hozirgacha «Real»ning Klod bilan xayrlashgani ahmoqlik sifatida tilga olinadi. Nima bo'lishidan qat'iy nazar, «Selta»dan ajoyib iqtidor «o'g'irlangan» edi. Undan etarlicha samara ko'rishmagani esa boshqa masala. Yarim himoyachi. Luish FIGU. 2000 yili «Barselona»dan 60 million evroga sotib olindi. «Asr o'g'irligi»! Figuning «Real» safiga qo'shilishi olamshumul voqeaga aylangani ayni haqiqat. Axir «Madrid» azaliy raqibi - «Barselona»ning eng yaxshi futbolchisi va sardorini yo'ldan urgandi. Ichki arenada «o'g'irlangan» qimmatbaho dur... Yarim himoyachi. ISKO. Davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.