"Liverpul" klubi himoyachisi Deyan Lovren "Everton"ga (3:1) qarshi kechgan Angliya chempionatining 30-tur uchrashuvidan so'ng o'z fikrlarini bildirdi. "Bir yarim oylik tanaffusdan so'ng maydonga qaytish va derbida g'alaba qozonish anchagina yoqimli. "Everton"ga qarshi o'ynash doim oson emas, ammo biz haqli ravishda g'alaba qozondik. Ularda faqatgina birinchi bo'limda yagona vaziyat yuzaga keldi va uni amalga oshirishdi. "Liverpul" esa o'z kuchini ko'rsatdi. Biz birinchi to'rtlikda qolmoqdamiz va shu yo'sinda davom etmoqchimiz", — dedi Lovren.
— deya xabar beradi uff.uz nashri.