Rossiyalik jurnalistlar turli yillarda Rossiya chempionatida to'p surgan legionerlar haqida maqolalar tayyorlash an'ana tusini olishgan. Bu gal xorijlik hamkasblarimiz Markaziy Osiyodan chiqib, rus o'lkasida yorqin o'yin namoyish etgan futbolchilardan iborat ro'yxat tuzishdi. Ushbu o'nlikdagi to'rt o'yinchi o'zbekistonlik ekani quvonarli, albatta. Demak, e'tirofga sazovor bo'lganlar bilan tanishamiz. 10. Andrey FYoDOROV, O'zbekiston «Alaniya» (1998-1999), 42ta o'yin, 1ta gol «Rubin» (2000-2008), 127ta o'yin, 15ta gol qurbon Berdiev bosh murabbiyligida 2008 yili Rossiya chempionligini qo'lga kiritgan «Rubin»da Fyodorov etakchilardan biri hisoblangan. Aqlli va chaqqon himoyachi qiyin vaziyatlarda sheriklariga yordam berishni qoyillatardi, qozonliklar safida birinchi diviziondan chempionlikkacha bo'lgan mashaqqatli yo'lni bosib o'tgan. O'zbekiston termasining sobiq a'zosi o'z vaqtida TsSKAga o'tishi ham mumkin edi, ammo Osiyo Chempionlar Kubogi musobaqasida hakamga qo'pol munosabatda bo'lgani uchun diskvalifikatsiyaga uchragan futbolchi «armiyachilar» tarkibiga qo'shilmadi. Shunga qaramay, Vladikavkaz, Kaliningrad va qozonda Fyodorovni qat'iyatli va ishonchli futbolchi sifatida hamon eslashadi, qadrlashadi. 9. Vitaliy DENISOV, O'zbekiston TsSKA (2003-2006), 3ta o'yin «Lokomotiv» (2013-h.v.), 119ta o'yin, 1ta gol Tezlik, fidokorlik, tirishqoqlik - «Lokomotiv» (Moskva) ishqibozlari Denisovning o'yinini bundanda ko'proq ijobiy sifatlar bilan baholashadi. Maydondagi harakatlar bo'yicha Vitaliyga hech qanday e'tirozlar yo'q. Uning Rossiyadagi faoliyati TsSKAda boshlangan, biroq jarohat tufayli asosiy tarkibga kirolmagandi. Olti mavsum Ukrainaning «Dnepr» klubi safida to'p surgan Denisov RFPLga tajribali va ancha chiniqqan futbolchi sifatida qaytib, hozirda liganing eng kuchli qanot himoyachisi nomini olishga da'vogarlik qilmoqda. 8. Sergey TIMOFEEV, qozog'iston «Dinamo» (1992-1994), 43ta o'yin, 3ta gol «Alaniya» (1995-1997), 67ta o'yin, 3ta gol «Lokomotiv NN» (1998), 32ta o'yin, 6ta gol Bu himoyachi o'tgan asrning 90-yillarida raqib hujumchilarini dahshatga solgan. Timofeev juda qo'pol bo'lishiga qaramay, o'z ishini a'lo darajada bajarardi. «Alaniya»ning 1995 yili chempionlik shohsupasiga ko'tarilishida Timofeevning hissasi ham katta. 7. Muhsin Muhammadiev, Tojikiston «Lokomotiv» (1992-1993), 41ta o'yin, 12ta gol «Spartak» (1994-1995), 30ta o'yin, 13ta gol «Lokomotiv NN» (1996-1997), 56ta o'yin, 16ta gol «Torpedo» (1998), 14ta o'yin, 2ta gol «Shinnik» (1999), 11ta o'yin, 1ta gol Bu hujumchi 1992 yili Tojikiston termasi safida bitta o'yin o'tkazib, «dubl» qayd etgan. Oradan uch yil o'tib, endi Rossiya termasi libosida maydonga tushib, yana gol urdi. Shunga qaramay, u ham bugungi ro'yxatdan joy egalladi - Muhammadiev Dushanbeda tug'ilib, faoliyatini o'sha erda boshlagan. Rossiyada ko'plab klublar (quyi diviziondagilarini ham hisoblaganda 9ta) sharafini himoya qilgan, qaerda o'ynamasin, yuqori darajali futbolchi ekanini namoyish etgan. 6. Igor ChEREVChENKO, Tojikiston «Lokomotiv» (1996-2001), 170ta o'yin, 9ta gol «Torpedo» (2002), 12ta o'yin «Alaniya» (2002), 5ta o'yin Dushanbeda tug'ilib, o'sha erda ulg'aygan Igor Tojikiston termasi safida 8ta o'yin o'tkazgan. Uning otasi Gennadiy Cherevchenko ham o'z yurtida mashhur futbolchi hisoblangan. Rossiya chempionatida maqtovga arzigulik natijalarga erishgan o'yinchining 2001|2002 yillar mavsumida «Real» darvozasiga urgan golini ruslar hamon yorqin xotiralar bilan yodga olishadi. 5. Odil AHMEDOV, O'zbekiston «Anji» (2011-2014), 109ta o'yin, 6ta gol «Krasnodar» (2014-2017), 101ta o'yin, 7ta gol Bu hali hammasi emas, davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.