Madridning “Real” jamoasi bosh murabbiyi Zinedin Zidan portugaliyalik himoyachi Fabio Koentrauning etarlicha o'yin amaliyotiga ega bo'lmayotgani haqidagi so'zlariga o'z munosabatini bildirdi. “Koentrau menga kerak. U jarohatlari tufayli jismoniy jihatdan muammolarga ega bo'lgandi. Fabio “Real” uchun ko'p o'yinlar o'tkazdi va EChLda g'olib bo'ldi. U bu narsani esdan chiqarmasligi kerak. Jarohatlar uni safdan chiqarib yubordi. Bunday paytlarda esa davolanish va sog'liqni o'ylash muhimroq. Umid qilamanki, Koentrau mavsum so'nggida bizni tark etmaydi”, – dedi frantsiyalik mutaxassis. Joriy mavsumda “Real” Ispaniya chempionatida 28 o'yin o'tkazdi, Fabio Koentrau esa ulardan atigi bittasida ishtirok etdi. 
— deya xabar beradi uff.uz nashri.