"Sevilya" klubi sport direktori Ramon Monchi 17 yillik faoliyatidan so'ng jamoadan ketish oldidan eng yaxshi xaridi sifatida Dani Alvesni bilishini aytib o'tdi.
"Alves - men "Sevilya" uchun sotib olgan o'yinchilar orasida eng yaxshisi. Bu transfer o'zini to'liq oqlagan edi.
Hech kim tanimaydigan futbolchi yangi klubga moslashib olishi kerak edi va biz unga shunday imkon berdik. U kuchayib bordi va sovrinlar yutib olishimizga yordam berdi.
Biz uni 800 ming evroga sotib olgan edik. Keyin "Barselona"ga 35 million evro evaziga sotdik", - deydi Monchi.
Eslatib o'tamiz, Alves 2002 yilda Braziliyaning "Baiya" klubidan "Sevilya"ga o'tgan edi. 2008 yilda uni "Barselona" o'z safiga qo'shib olgan. Ayni vaqtda esa "Yuventus" sharafini himoya qilmoqda.
— deya xabar beradi uff.uz nashri.