"Obod" hujumchisi Alisher Azizov yakunlangan mavsumda birinchi ligada ajoyib o'yin ko'rsatib, 26 ta gol bilan to'purar bo'ldi. Shu tariqa, Azizov jamoasini oliy ligaga chiqishiga kattakon yordam berdi. To'purarlik nomini qo'lga kiritganidan so'ng Alisher Azizov UFF.uz internet portaliga o'z fikrlarini bildirib o'tdi.
- Umuman olganda, birinchi liga to'purari bo'lishni maqsad qilgandim. Shu boisdan har bir o'yinda to'p kiritish uchun harakat qildim. Ochig'i, bu borada menga jamoadoshlarimning yordamlari ham ko'p tegdi. Ular bo'lmaganida, bunday natijani ko'rsata olmagan bo'lardim. "Obod" bilan oliy ligaga chiqqanimizdan xursandmiz. Endi kuchimizni oliy ligada davom ettirib ko'ramiz, - deydi Azizov.
— deya xabar beradi uff.uz nashri.