"Chelsi" klubi bosh murabbiyi Antonio Konte ingliz jamoasi bilan ishlashda davom etadi.
Manbada aytilishicha, italiyalik mutaxassis klub egasi Roman Abramovich bilan shartnomani uzaytirish haqida kelishib olgan.
Eslatib o'tamiz, avvalroq, londonliklar murabbiyga yiliga 15 million evro maosh ko'zda tutilgan 5 yillik bitim taklif qilganlari ma'lum bo'lgandi, biroq Konte kelishuvda keltirilgan 50 million evro tovon puli o'rniga 20 million bo'lishini istadi.
Konte "Chelsi" 2016 yilning yozida o'z boshqaruviga olgandi. Muxatassisning londonlik klub bilan amaldagi shartnomasi 2019 yilning o'rtalarida tugaydi.
Qo'shib o'tish joiz, ayni damda "Chelsi" APL musobaqa jadvalida yaqin ta'qibchisini etti ochkoga ortda qoldirgan holda ishonchli tarzda peshqadamlik qilmoqda.
— deya xabar beradi uff.uz nashri.