Avval xabar berilganidek, O'zbekiston U-19 terma jamoasi 16–21 aprel kunlari Serbiya poytaxti Belgrad shahrida o'quv-mashg'ulotlar yig'inini o'tkazadi. Yig'in doirasida O'zbekiston yoshlar termasi 18 va 20 aprel kunlari serbiyalik tengdoshlariga qarshi o'rtoqlik o'yinlari o'tkazadi. Jamoa bosh murabbiyi Aleksandr Mochinov Serbiyadagi yig'inga 18 nafar futbolchini taklif qildi. Darvozabonlar: Qilichev Jahohir (“Bunyodkor”), Umidjon Ergashev (“Nasaf”);  Himoyachilar: Abubakr Mo'ydinov (“Bunyodkor”), Ibrohim Yo'ldoshev (“Paxtakor”), Rahmatilla Mirzaahmadov (“Tsementchi”), Abdulaziz Yoqubov (“Andijon”), Dilshod Saidov (“Nasaf”); Yarim himoyachilar: Kamron Saidazimov (“Paxatkor”), Suhrob Izzatov (“Bunyodkor”), Isloim Kenjaboev (“Nasaf”), Boburjon Asqarov (“Paxtakor”), Abbosbek Jumaqulov (“Tsementchi”), Georgiy Ahmedov (“paxtakor”), Oston Urunov (“Paxtakor”), Rasul Yo'ldoshev (“Bunyodkor”), Xudoyorxon Sagdullaev (“Nasaf”); Hujumchilar: Asadbek Sobirjonov (“Paxtakor”), Jahongir Abdusalomov (“Bunyodkor”). Navbatdagi yig'in O'zbekiston U-19 terma jamoasining 2018 yili yoshlar o'rtasida bo'lib o'tadigan Osiyo chempionati saralash bosqichiga tayyorgarlik rejasidan o'rin olgan. Saralash bosqichi uchrashuvlari shu yilning 31 oktyabr – 8 noyabr kunlari bo'lib o'tadi.
— deya xabar beradi uff.uz nashri.