Futbolga qiziquvchi har bir insonning o'z «kumiri» bo'ladi. Jahon tan olgan futbol yulduzlari ham bolaliklarida qaysidir futbol afsonasining haqiqiy ishqibozi bo'lishgan. Quyidagi maqola orqali afsonaviy futbolchilarning, mashhur futbol yulduzlaridan tashkil topgan muxlislari haqida o'qishingiz mumkin bo'ladi.
Mishel Platini 1983, 1984, 1985 yillarda ketma-ket 3 marta «Oltin to'p» sohibi bo'lgan Frantsiyalik Mishel Platining o'yinlari, ayni paytda «Manchester Siti»ga murabbiylik qilayotgan Xosep Gvardiolaning aqlini o'g'irlagan. Frantsiyalik David Trezege ham vatandoshining haqiqiy fanati bo'lgan. O'zbekiston terma jamoasiga murabbiylik qilgan Mirjalol Qosimov ham Mishelning muxlisi ekanligini aytib o'tgan edi. Shuningdek UEFAning sobiq prezidentini Ukrainalik Andrey Shevchenko va italiyalik Alessandro del Perolar ham o'z «kumiri» deb bilgan. Marko Van Basten 1988, 1989 va 1992 yillarda «Oltin to'p» sohibi bo'lgan gollandiyalik Van Bastenning ishqibozlari ham millionlab topiladi. Italiyalik «ofsaydda tug'ilgan» laqabli Filippo Inzagi va gollandiyalik Van Nistelrooy, shuningdek bolgariyalik Dimitar Berbatovlar aynan «uchar golland»ning haqiqiy muxlislari bo'lishgan. Ronaldo Braziliyalik «so'yloq» 2 ta «Oltin to'p» sohibi Ronaldoning ashaddiy fanatlari qatoriga Urugvay terma jamoasi va «Barselona» klubi hujumchisi Luis Suares, sobiq «Arsenal»chi rossiyalik Andrey Arshavin, braziliyalik Aleshandre Pato, Vagner Lav va Robinolarni kiritishimiz mumkin. Romario Jahon chempionati-1994 qahramoni bo'lgan, faoliyati mobaynida 1000 tadan ortiq gol urgan Romarioning o'yinlari kimlarni maftun etmagan deysiz. Ular orasida ukrainalik Andrey Shevchenko, braziliyalik Vagner Lav, argentinalik «quyoncha» Xaver Saviola, gollandiyalik Rafael van Der Vaartlar ana shular jumlasidandir. Davomi>>
— deya xabar beradi uff.uz nashri.