"Lester" bugun Angliya chempionatining 31-turidan o'rin olgan uchrashuvda "Sanderlend"ni 2:0 hisobida mag'lubiyatga uchratdi. Ushbu g'alaba "tulkilar"ning Angliya chempionatida Klaudio Raneri lavozimini tark etgandan so'ng Kreyg Shekspir qo'l ostidagi 5-g'alabasi hisoblanadi. Shu tariqa, 53 yoshli Shekspir APL musobaqasidagi debyutida 5 ta uchrashuvda 5 marta g'alaba qozongan murabbiyilar ro'yxatida 3-o'ringa ko'tarilib oldi. Eslatib o'tamiz, avvalroq ushbu natijani Karlo Anchelotti "Chelsi"da va Xosep Gvardiola "Manchester Siti" jamoalarida qayd etishgandi.
— deya xabar beradi uff.uz nashri.