Besh yil avval APLning eng noshud legioneri sifatida qayd etilgan Antoni Modest hozirda «Kyoln»dagi sermahsul o'yinlari tufayli Frantsiya terma jamoasi eshiklarini dadil taqillatmoqda. G'ayritabiiy fe'l-atvori bilan nom qozongan Dide Desham esa shundoqqina tumshug'i ostida o'ta sermahsul o'yin namoyish etayotgan Aleksandr Lakazett va Antoni Modestni emas, olis Meksika chempionatida to'p surayotgan hujumchini termaga jalb etmoqda. Tinib-tinchimas jurnalistlar esa nima uchun 22ta gol bilan bundesliganing ikkinchi to'purari bo'lib turgan Modestni terma jamoaga chaqirmagani haqidagi savollar bilan murabbiyning «qulog'ini uzib, qo'liga ushlatishmoqda». Aftidan, Dide Deshamni hisobga olmaganda Antoni Modestning Frantsiya terma jamoasida to'p surishiga qarshi bo'lgan yana bir kishi bor. U -  Martinika FFning prezidenti Samyuel Pero. Antonining otasi shu mitti orolda tug'ilib o'sgan. «Nikolya Anelka davridan beri hali hech kimga bu qadar ashaddiy muxlislik qilgan emasmiz. Umid qilamanki, Antoni Modest ota yurti sharafini himoya qiladi», - deydi Pero. Darhaqiqat, Martinikada voyaga etgan Gi Modest - sobiq futbolchi. Ammo u Frantsiyani zabt etishga sal kechroq, 22 yoshda qaror qildi. Shu sababli faoliyatini «Sent-Eten» o'rinbosarlari, «Kan» va «Shateru» kabi kamtarin jamoalarda ko'chmanchilik bilan o'tkazdi. Antoni Kanda dunyoga kelgan paytda Gi Modest butsalarini mixga ilib ulgurgandi. «Kan kinofestivaliga dunyoning turli burchaklaridan taniqli kino va sport yulduzlari kelishardi. Men Arnold Shvartsenegger, Diego Maradona kabi afsonalarni o'z ko'zlarim bilan ko'rganman. Meni Maradona haqidagi film premerasiga taklif etishgan», - deya xotirlaydi Modest. Frantsiya terma jamoasi - azaliy, lekin hozircha ushalmas orzu: 7 yil avval Antoni Elyakim Mangala, Musso Sissoko va Antuan Grizmann bilan yoshlar termasida to'p surgan, biroq asosiy jamoaga yolg'iz Gabriel Obertan yo'l olgandi. Yoshlar tarkibiga Modest ilk marta «Nitstsa»dan taklif etilgandi. O'yinlardagi mahorat va mehnatsevarlik mashg'ulotlarda dangasalik bilan almashib turishi bois hujumchi 2-ligadagi «Anje»ga berib yuborildi. Mavsumni 20ta gol bilan yakunlagach, Maruan Shamaxni «Arsenal»ga sotib yuborgan «Bordo» e'tiboriga tushdi. Yangi jamoaga ma'shuqasi bilan tashrif buyurgan futbolchini Yaroslav Plashil samimiy qarshi oldi. Biroq jamoadoshlari to'p bilan ta'minlashda mehmondo'stlik qilishmadi. Oqibatda Antoni «Bordo»dagi 1,5 yil ichida atigi 15ta gol urdi. Ammo «Blekbern»dagi debyuti bundanda muvaffaqiyatsiz bo'ldi. To'g'ri, APLda o'z mahoratini sinovdan o'tkazish - har bir futbolchining orzusi. Ularning hammasi ham inqirozga yuz tutgan, risoladagidek sohibi va murabbiy bo'lmagan jamoada o'ynashga rozi bo'lavermaydi. «Blekbern» elitani tark etdi, Antoni jamoaning «Arsenal»dan 1:7 hisobida engilganiga guvoh bo'ldi. «Vest Bromvich»ga qarshi bahsda qizil kartochka bilan «mukofotlandi». Ammo gol urishni uddalay olmadi. Shu tariqa mavsumni APLning eng noshud o'yinchilaridan biri sifatida yakunladi. Koreyalik Pak Chu Yon Modestdan yomonroq natija qayd etgan yagona futbolchi bo'ldi. Hozir Antoni xavfli vaziyatlardan unumli foydalanish borasida 28,2 foiz ko'rsatkichni qayd etmoqda. Kuchli beshlik chempionatlari orasida faqat Falkao, Lakazett va Kavanining natijalari yuqoriroq. Hatto Obameyang va Levandovski ham unga tenglasha olishmayapti. qisqasi, APL saboqlaridan qahramonimiz tegishli xulosa chiqardi: «Hech kimdan xafa emasman, ingliz tilini o'rganib oldim-ku». «Bastiya»da faoliyatini izga solib olgan hujumchi «Xoffenxaym»­da Roberto Firmino hamda Kevin Folland bilan samarali hamkorlik qildi. Angliyadagi omadsizlikdan so'ng 5 yil ichida amalga oshirilgan parvoz chindan ham hayratlanarli - kamtarin «Kyoln» sharafini himoya qilayotgan Modest joriy mavsum 22ta gol bilan bundesliga to'purarlari safida bormoqda. «Bavariya» mergani Robert Levandovski hamda «Borussiya» D. vakili Per-Emerik Obameyang - Antonining faxriy qo'riqchilaridek, go'yo. Robertning hisobida 21ta, Obameyangda esa Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.