"PSJ" yarim himoyachisi Hotam Ben-Arfa himoyaviy futbol namoyish qiladigan murabbiylar o'yinidan lazzat olmasligini tan oldi.
"Ko'plab murabbiylar raqibni zararsizlantirish yo'llarini qidirish bahonasi bilan futbolni qaytadan kashf qilishga urinishadi.
Ammo futbolning ma'nosi Mourino yoki Simeone istagandek emas. Ularning futboli Kroyffning g'oyalariga mutlaqo teskari va bunday o'yindan hech qanday lazzat olmaysiz.
Hozir maydonda shiddatli o'yin ko'rmaysan va hozirgi futbol meni u qadar qiziqtirmaydi. Uchrashuvlarni mazza qilib tomosha qilmayman. Hatto Frantsiya chempionatida ham futbolni o'ldiryapmiz.
Krishtianu Ronalduga qanday munosabatdaman? Uning o'yiniga hech qanday e'tiborim yo'q. U odatiy o'yin namoyish qiladi", - deydi Ben-Arfa.
— deya xabar beradi uff.uz nashri.