"Nasaf" jamoasi futbolchilari qisqa ta'tildan so'ng yana mashg'ulotlarga qaytishdi.
Jamoamiz Qarshidagi qarorgohimizda yig'ildi va 12 oktyabr kuni bo'lib o'tadigan "Neftchi"ga qarshi o'yinga taraddudni boshladi.
Ro'ziqul Berdiev qisqa ta'tildan so'ng o'z shogirdlarini yana jamladi va mashg'ulotlarga kirishildi.
O'zbekiston milliy terma jamoasiga chaqirilgan Eldorbek Suyunov, Shuhrat Muhammadiev va Turkmaniston milliy terma jamoasidan chaqiruv olgan sardorimiz Artur Gevorkyandan tashqari boshqa barcha futbolchilar safga qo'shilishgan.
Shuningdek, jamoamiz himoyachisi Hamza Karimov jarohati bois mashg'ulotlarni umumiy guruh bilan o'tkazmayapti.
Jamoamiz navbatdagi o'yinni 12 oktyabr kuni, Qarshi shahridagi "Markaziy" o'yingohda Oliy liga 25-tur doirasida "Neftchi"ga qarshi o'tkazadi.
— deya xabar beradi uff.uz nashri.