Madridning "Atletiko" klubi prezidenti Enrike Sereso "Alaves" himoyachisi Teo Ernandes 24 million evro evaziga "Real"ga o'tishi haqida ma'lumotlarga izoh bildirdi. Ernandesning transfer huquqi "Atletiko"ga tegishli bo'lib, "Alaves"da ijara asosida to'p surmoqda.

"Teo Ernandesni "Real"ga o'tishi haqida hech narsa bilmaymiz. U bizning futbolchimiz va "Alaves"da ijarada o'ynamoqda.

Mavsum oxirida u "Atletiko"ga qaytishi yoki "Alaves"da ijarada qolishi ma'lum bo'ladi", - deydi Sereso.

Eslatib o'tamiz, "Real" Sereso bilan kelishuvga erishgani haqida xabar tarqatilgan edi.
— deya xabar beradi uff.uz nashri.