TUR O'YINI «Dinamo» joriy mavsumni ko'tarinki ruhda boshladi va dastlabki 3ta o'yinda g'alabaga erishib, peshqadamlikni o'z qo'liga oldi. Ma'lumki, Samarqandda futbolni azaldan yaxshi ko'rishadi. Bu yil esa yorqin start natijasida jamoa o'yiniga qiziqish ikki va hattoki, uch baravar oshib ketdi. Diqqat qiling, «Dinamo»ning «Navbahor»ga qarshi o'yinini ko'rish uchun stadionga deyarli  20 ming muxlis tashrif buyurdi. Ammo yomon tomoni, arenaning sig'imi 14 ming, xolos. Shu bois, chamasi 5 ming muxlis uchrashuvni ko'cha-ko'yda, u er-bu erdan mo'ralab bo'lsa-da, tomosha qilish bilan cheklandi. Biroq «Dinamo» bu safar o'z muxlislariga g'alaba tortiq etolmadi. Shunga qaramay, jamoaning o'yi­ni hurmatga sazovor. Samarqandliklar butun uchrashuv davomida faol harakatlanib, muxlislarga yoqadigan futbol namoyish etishdi. O'yin boshidanoq mehmonlarning Samar­qandga alohida tayyorgarlik bilan kelishgani yaqqol sezildi. Deylik, «lochinlar» stadionni to'ldirgan muxlislarning kuchli bosimlariga qaramay, birinchi bo'limda ancha faol to'p surishdi. Bu o'z samarasini berdi ham: 15-daqiqada Oybek Qilichev hisobni ochdi. Tabiiyki, «Dinamo» futbolchilari shundan so'ng vaziyatni o'nglash maqsadida hujumlarga zo'r berishdi, ammo «Nav­bahor» himoyachilari aksariyat hollarda bexato harakatlanishdi. Ikkinchi 45 daqiqalikda maydondagi murosasizlik darajasi yanada ortgan bo'lsada, hisob o'zgarmadi. E'tiborli fakt: namanganliklar butun o'tgan mavsum davomida safarda biror marta 3 ochko olmagandilar va nihoyat, mehmonda ham g'alaba nashidasini surishdi. PS: Zaxiraga chiqish chog'i nomaqbul ishora ko'rsatgan va buning uchun qizil kartochka olgan Oybek Qilichev 2ta o'yinga diskvalifikatsiya qilinishi mumkin. «DINAMO» - «NAVBAHOR» - 0:1 (0:1) 31 mart. Samarqand. 13105 tomoshabin. Hakamlar: V.Tseytlin (Toshkent)-8,8; A.Kalinin (Qarshi)-8,4; B.Qodirov (Buxoro)-8,3; F.Norsafarov (Qarshi)-9,0. Gol: O.Qilichev (15). «Dinamo»:1. M.Naumov, 2. M.Lokaev, 3. B.Isroilov, 8. J.Azimov, 9. S.Sulaymonov (20. A.Safarov, 63), 10. J.Qahramonov, 14. R.Rogak, 15. Sh.Xolmatov (11. A.Abdullaev, 50), 18. D.Nizanov (6. A.Bozorov, 83), 19. O.Mamajonov, 22. A.Isroilov. «Navbahor»: 30. A.Omonov, 2. A.Samatov (20. A.Mirzaev, 67), 4. A.Otaxonov, 5. G'.Komilov, 7. O.Qilichev (44. D.Stanoevich, 75), 9. D.Jabborov, 19. M.G'ofurov, 21. A.Aliev (22. R.Ahmedov, 52), 32. J.Mehmonov, 77. A.Turg'unboev, 84. N.Yovanovich. Ogohlantirishlar: J.Azimov (29), Sh.Xolmatov (40), J.Qahramonov (90Q2) - G'.Komilov (24), A.Samatov (29), M.G'ofurov (40), A.Turg'unboev (62), N.Yovanovich (81). Chetlatish: O.Qilichev (76, N.). Eng yaxshi o'yinchilar: S.Sulaymonov - A.Omonov. Nazoratchi: Sh.Jumaev (Qarshi). Komissar: B.Haydarov.  O'yindan keyingi fikrlar Ilhom Mo'minjonov («Navbahor» bosh murabbiyi): - Bir hafta mobaynida «Dinamo»ning 3ta uchrashuvini ko'rib, barchasini o'rganib chiqqandik. Shu asnoda samarqandliklarning kuchli pressing va tezkor hujumga zo'r berishlariga e'tibor qaratdik. Bugun jamoa etakchilari - Javohir Qahramonov va Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.