"Sevilya" bosh murabbiyi Xorxe Sampaoli Qatar terma jamoasini boshqarishga taklif etildi.
Argentinalik murabbiy bilan uzoq muddatli shartnoma tuzilishi rejalashtirilgan. Qatarliklar murabbiyga moliyaviy jihatdan juda foydali shartnoma taklif etmoqda.
Sampaoli Qatar terma jamoasini o'z uyida o'tadigan JCh-2022ga tayyorlashi lozim. Unga Xavi yordam berishi aytilmoqda. Shuningdek murabbiylar shtabiga yana 14 mutaxassis jalb etiladi.
Sampaolining shartnomasida mukofot pullari ham ko'rsatiladi. Ushbu bandda jahon chempionati guruh bosqichidan chiqishdan tashqari Olimpiya terma jamoasining Olimpiada yo'llanmasini qo'lga kiritishi uchun qancha mukofot berilishi ham ko'rsatilgan.
Eslatib o'tamiz, ayni vaqtda Qatar terma jamoasini Xorxe Fossati boshqarmoqda. Jamoa JCh saralashida guruhda so'ngi o'rinda bormoqda.
— deya xabar beradi uff.uz nashri.