Samarqandning “Dinamo” jamoasini har o'yinda qizg'in qo'llab-quvvatlayotgan samarqandlik futbol ishqibozlari Oliy Liga 5-turi doirasida Qo'qonga borishadi. Bu haqda samarqandliklar matbuot xizmati ma'lum qildi. 5-tur doirasida “Dinamo” 7 aprel kuni Qo'qon shahrida “Qo'qon-1912” jamoasi mehmoni bo'ladi. Ushbu o'yinga borishni rejalashtirgan jamoa muxlislari, juma kuni sahar, soat 6:00 da “Dinamo” stadioni oldidan engil avtomoshinalarda jo'nab ketishlari ko'zlanmoqda. Eslatib o'tamiz, “Qo'qon-1912” – “Dinamo” uchrashuvi 7 aprel, juma kuni soat 16:30 da boshlanadi.
— deya xabar beradi uff.uz nashri.