"Bavariya" jamoasi hujumchisi Kingsli Koman "Arsenal" klubi rahbariyatining qiziqishlari doirasiga kirgan. Futbolchi "Bavariya"da ijara asosida to'p surmoqda, aslida esa huquqiy jihatdan "Yuventus"ga tegishli. Myunxenliklar 20 yoshli frantsiyalik o'yinchini batamom sotib olish huquqiga egalar. Telefoot nashrining ma'lumotiga ko'ra, "Arsenal" Koman "Bavariya"da qolishdan bosh tortgan taqdirda uni o'z safiga qo'shib olishga tayyorligini bildirdi. Ushbu mavsumda hujumchi Bundesliganing 15 o'yinidan atigi 7tasida ilk daqiqalardan harakatlangan. Uning "Yuventus" bilan shartnomasi 2019 yilning yoziga qadar amal qiladi.
— deya xabar beradi uff.uz nashri.