"Manchester Yunayted"ning shvetsiyalik hujumchisi Zlatan Ibrahimovich agar "qizil iblislar" joriy mavsum Evropa chempionlar ligasiga yo'l olsa yana bir yil Angliyada qolishga tayyorligini bildirdi. Eslatib o'tamiz, Ibrahimovich shartnomasining amal qilish muddati 2017 yilning yozida yakuniga etadi. Ayn shu sabab uni MLS klubi - "Los-Andjeles Gelaksi"ga o'tishi haqida xabarlar tarqalgan edi. "Manchesterga kelgan vaqtim jamoa EChL yoki Premerliga favoritligini o'ylashni unutub qo'ygandi. Lekin "MYu"ga yordam berish va jamoani kuchaytirish uchun o'tdim. O'z kelajagim borasida savollarga qanday javob qaytarishni bilmayman. Muzokaralarni davom ettiryapmiz. Ko'ramiz, nima bo'ladi. Endi oldida ko'p yillik faoliyat kutib turgan 20 yoshli emas, 35 yoshdaman. Balki, faoliyatimni yakunlashimga juda oz vaqt qolgandir. Hammasi mening va klubning maqsadiga bog'liq. Boshidanoq bu erga vaqt o'tkazish uchun emas, g'alaba qozonish uchun kelganman", - deydi Ibrahimovich.
— deya xabar beradi uff.uz nashri.