"Bavariya" yarim himoyachisi Tyago Alkantara yaqin kunlarda germaniyaliklar bilan shartnomani uzaytiradi. Kicker nashrining xabariga ko'ra, tomonlar o'zaro kelishgan holda shartnoma muzokaralarini yakunlashgan. Hozirda jamoa rahbarlari futbolchi harakatlarini yuqori baholab, unga "Bavariya"ning etakchi futbolchisi sifatida qarashmoqda. Ma'lumot uchun, Alkantaraning "Bavariya" bilan tuzadigan yangi shartnomasi 2021-yilga qadar davom etadi. Eslatib o'tamiz, avvalroq Tyago Alkantaraga Ispaniyaning ikki grand "Barselona","Real" jamoalari qiziqish bildirayotgani haqida xabar bergan edik. "Bavariya" Tyagoni sotmasligini ma'lum qilib, uning yangi shartnomasidagi transfer qiymatini 90 million evro deya baholadi.
— deya xabar beradi uff.uz nashri.