Rimning "Roma" klubi bosh murabbiyi Italiya kubogi yarim final javob bahsi doirasidagi "Latsio"ga qarshi (3:2) o'yindan so'ng o'z fikrlari bilan o'rtoqlashdi. "Ko'ramiz, bu natija mavsumning qolgan qismi uchun qanday ta'sir o'tkazadi. Albatta, endi bu o'yin natijasini to'g'rilashning iloji yo'q. O'tib ketgan narsani tuzatib bo'lmaydi. Shuning uchun kelgusi o'yinlarda ehtiyotkorlik bilan harakat qilamiz. Menimcha, "Roma" yomon o'yin namoyish qilayotgani yo'q. Biz ko'plab o'yinlarda g'alabaga erishdik, ko'p gollar urishga erishdik. Xatoga yo'l qo'ygan o'yinlarmiz ham bo'ldi. Mening kelajagim? Hozir bu haqida gapiradigan vaqt emas. "Roma" "A" seriyada o'zi uchun kerakli natijani qayd etishini istayman" – deydi Spalletti Rai Sport nashriga bergan intervyusida. Eslatib o'tamiz, "Latsio" maydonida kechgan o'yinda mezbonlar 2:0 hisobida g'alabaga erishgandi. Natijada ikki uchrashuvdagi umumiy natijaga ko'ra, "Latsio" keyingi bosqichga yo'l olgan.
— deya xabar beradi uff.uz nashri.