"Manchester Siti" bosh murabbiyi Xosep Gvardiola "Chelsi"ga qarshi kechgan bahsdan so'ng raqib murabbiyi Paolo Bertelli bilan janjallashib qoldi.

Janjal o'yin tugagach tribuna ostida boshlangan. Dastlab "Chelsi"ning jismoniy tayyorgarlik bo'yicha murabbiyi Paolo Bertelli va "Manchester Siti" massajchisi Marko Sertori o'rtasida kelishmovchilik boshlandi. Ular butun uchrashuv davomida ham ko'p bora bahslashgan edi.

Shundan so'ng Xosep Gvardiola o'z xodimining yonini olib, janjalga qo'shilgan. Bertellining gaplari ispaniyalik murabbiyning jahlini chiqardi. Garchi ish mushtlashishga qadar etib bormagan bo'lsada, Gvardiola o'z jamoasi kiyinish xonasiga darhol yo'l olmagan.

Antonio Konte esa janjaldan bexabar qolgan. Chunki u o'yindan so'ng darhol o'z jamoasi kiyinish xonasiga kirib ketgan edi. Eslatib o'tamiz, uchrashuvda "Chelsi" 2:1 hisobida g'alaba qozondi.
— deya xabar beradi uff.uz nashri.