Angliya futbol ligasi "Nyukasl" va "Berton" o'yinini boshqarib borgan hakam Kit Straudni tanqid qildi (1:0).
Chempionship doirasida kechgan uchrashuvda "Nyukasl" futbolchisi penalti tepgan vaziyatda raqib o'yinchilaridan biri ertaroq jarima maydonchasiga kirib ketgan. Hakam Kit Straud esa penaltini qaytadan belgilash o'rniga "Berton" to'pni erkin zarba bilan o'yinga kiritishi lozimligini ko'rsatgan.
Angliya futbol ligasi bu xato uchun "Nyukasl"dan uzr so'radi va mabodo natija ijobiy bo'lmagan holatda o'yin yangidan o'tkazilishi lozimligini bildirgan. Agar "Nyukasl" o'yin natijasidan norozi bo'lganida penalti belgilangan 29-daqiqadan buyog'i boshqatdan o'tkazilishi mumkin bo'lardi.
— deya xabar beradi uff.uz nashri.