Sky Sport jurnalisti Massimo Marianellaning xabar berishicha "Everton" hujumchisi Romelu Lukaku "Chelsi"ga o'tishga juda yaqin turibdi.
"Menimcha "Chelsi" yozda bir qator top-transferlarni amalga oshiradi. Konte Chempionlar ligasida g'olib chiqishga da'vo qiladigan jamoa tashkil etishni istamoqda.
Aytish mumkinki Lukaku "Chelsi"ga o'tishi masalasi deyarli hal bo'lgan. Boz ustiga ingliz matbuotida Aleksis Sanches ham "Chelsi"ga o'tishi haqida xabar berilgan edi", - deydi Marianella.
Eslatib o'tamiz, Lukaku 2011/12 yilgi mavsumda "Chelsi"da to'p surgan va keyinchalik ijara asosida "Vest Bromvich" va "Everton"da o'ynagan. 2014 yilda "Everton" uni "Chelsi"dan 28 million funtga sotib olgan edi.
Endi londonliklar uni yana o'z safiga qaytarmoqchi. Lukaku joriy mavsum 30 ta o'yinda 21 ta gol urib, 6 ta golli uzatmani amalga oshirgan.
— deya xabar beradi uff.uz nashri.