Qarshining «Nasaf» klubi to'p suradigan «Markaziy» stadionida qayta ta'mirlash ishlari olib borilayotganini eshitganimizga ancha bo'lgan edi. Yaqinda o'yingohni borib ko'rish imkoniyatiga ega bo'ldik. Qisqa qilib aytganda, taassurotlar ancha mo'l. Eng avvalo shuni aytish lozim, buni «qayta ta'mirlash» emas, balki qo'rqmasdan «qayta qurish», deb atasa ham bo'laveradi. Chunki, qurilish ishlari yakuniga etganidan so'ng, «Markaziy» stadioni butkul boshqacha manzara kasb etadi. O'yingohda katta ko'lamda ish olib borilmoqda va ancha-munchasi bitirib ham qo'yilgan. Eng muhimi - bu ishlar «bitsa bo'ldi», qabilida emas, balki yaxshi o'ylab, puxta reja asosida olib borilayotgani ko'rinib turibdi. Bizga eng yoqqan jihat - «Markaziy» stadionini qayta ta'mirlashda muxlislar sig'imi ko'proq bo'lishiga e'tibor qaratilgani bo'ldi. Axir kim ham bundan xursand bo'lmaydi? Rejaga ko'ra, yashil maydon chetida qoldirilgan hudud qisqaradi va qo'shimcha o'rindiqlar o'rnatiladi. Natijada, o'yingoh «toza futbolcha» ko'rinish kasb etadi. Angliya chempionati o'yinlarini ko'p kuzatgansiz va muxlislar deyarli maydon chetida o'tirishlariga guvoh bo'lgansiz. Bu esa, o'z navbatida o'yin atmosferasiga o'zgacha ruhiyat olib kiradi. O'zbek futboli afsonasi Mirjalol Qosimov ko'p yillik faoliyati davomida yuzlab o'yingohlarda to'p surgan. Ammo undan qaysi o'yin yodida ko'proq qolganini so'rashganda eng avvalo, «Enfild»da «Liverpul»ga qarshi kechgan uchrashuvni tilga olgan edi. «Muxlislarning yonginasida to'p surish qanaqa bo'lishini o'shanda his qilganman. Bunday stadionda ruhiyat ham boshqacha bo'ladi, xuddi qaynab turgan qozonga tushib qolgandek bo'lasan. O'yin ham shunga yarasha ancha shiddatli kechgan edi», - deya eslagandi Mirjalol aka. E'tiboringiz uchun o'sha uchrashuv 0:0 hisobida yakuniga etgan. Mirjalol Qosimov esa faoliyati davomida ko'plab g'alabalarga erishgan inson. Biroq u o'sha g'alabalari emas, balki «Enfild»dagi o'yinni ko'proq eslab qolgan. Nima uchun? O'yingoh va muxlislari uchun, albatta. Nasib qilsa, endi «Nasaf»ning o'yinlari ham shunday muhitda o'tadi. Stadionda olib borilayotgan ishlarni o'z ko'zimiz bilan ko'rib keldik. Garchi hali qurilish ishlari davom etayotgan bo'lsa-da, stadion manzarasi butkul boshqacha ko'rinish kasb etishini hozirdan tahmin qilish qiyin emas. Agar ilgari o'yingohda 16 ming muxlis uchrashuvlarni tomosha qilib borgan bo'lsa, endi birvarakayiga 25 ming muxlis «Markaziy» o'yingohiga tashrif buyurishi mumkin. Stadionda olib borilayotgan qayta qurish ishlarining eng yutuqli tomoni ham mana shunda bo'lsa kerak. Xullas, aytaman, desa gap ko'p. Nasib qilsa, qurilish ishlari yakuniga etganidan so'ng o'zingiz borib ko'rganingizga etmaydi. Yo'lingiz tushib qarshi tomonlarga borib qolsangiz, albatta «Nasaf» ishtirokidagi birorta o'yinga ham tushing. Stadion qurilishidagi yana bir ijobiy jihat - Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.