"Sanderlend" hujumchisi Jermeyn Defo "Tottenxem"da o'tkazgan davrini yodga olarkan, o'shanda jamoani boshqargan Andre Villash Boash haqida iliq fikr bildirdi.
"U menda yaxshi taassurot qoldirgandi. Uning mashg'ulotlari keng ko'lamda o'tardi. Villash Boash aqlli murabbiy va ajoyib inson. U bilan har qanday mavzuda suhbatlasha olardik.
Villash Boash boshchiligida ikkinchi mavsum ancha og'ir o'tdi. Biz "Manchester Siti" va "Liverpul"dan yirik hisobda mag'lub bo'ldik. U yosh murabbiy edi va hali futbolchilar bilan ishlash tajribasiga ega emas edi. Ishlar yurishmagan vaqtda bu bilinib qolardi.
Villash Boash futbolchilar uni yaxshi ko'rishlari uchun qo'lidan kelgan barcha ishni qildi. Uning ketganda ancha xafa bo'lgandik", - deydi Defo.
— deya xabar beradi uff.uz nashri.