Angliyaning "Vest Xem" klubi bosh murabbiyi Slaven Bilich navbatdagi o'yindan so'ng vazifasidan ozod etilishi mumkin. Agar jamoa APL 32-turida "Suonsi"ga qarshi bahsda kerakli natijaga erisha olmasa, mutaxassis ishdan bo'shatiladi. Bu haqda The Telegraph nashri xabar tarqatdi. Xabarda aytilishicha, Bilich jamoani tark etsa, uning o'rnini klub akademiyasi rahbari Terri Uestli egallaydi. Eslatib o'tamiz, Uestli oldinroq Bilich oilaviy muammolar sabab vataniga borib kelganida jamoani vaqtinchalik boshqarib turgandi.
— deya xabar beradi uff.uz nashri.