"Manchester Yunayted" bosh murabbiyi Joze Mourino "Sanderlend"da ijara asosida to'p surayotgan yarim himoyachi Adnan Yanuzay haqida qaror qabul qilganini bildirdi. Biroq murabbiy bu qarorini matbuotga ma'lum qilishdan bosh tortgan.
"Men Yanuzay borasida qaror qabul qildim. Ammo bu haqida sizga hech narsa aytmayman", - deydi portugaliyalik murabbiy.
Yanuzay joriy mavsum "Sanderlend" tarkibida 21 o'yinda maydonga tushdi va uchta golli uzatmani amalga oshirdi. Yarim himoyachining ijara shartnomasi mavsum oxirida yakuniga etishi lozim. "Manchester Yunayted" bilan kelishuvi esa 2018 yilning yozida tugaydi.
— deya xabar beradi uff.uz nashri.