Mazkur uchrashuvga bo'lgan qiziqish nihoyatda baland edi. Boisi har ikki jamoa mavsum startini muvaffaqiyatli boshlagandi. Qolaversa, mazkur uchrashuvdagi g'alaba jamoamizning turnir jadvalida kuchli uchlikka kirish imkoniyatini berardi. Buni his etgan vakillarimiz o'yinni faol tarzda boshlashdi. 4-daqiqa Murod Xolmuhammedovning autdan jarima maydonchasi tomon oshirib bergan to'pini raqiblar qaytarib qolishdi. 15-daqiqada hisob ochildi. Nosir Otaqo'ziev jamoadoshlari boshlab bergan hujumni gol bilan yakunladi. 16-daqiqa Nosir Otaqo'ziev yana bir qulay imkoniyatni qo'ldan boy berdi. Uning zarbasini Naumov qaytarib qoldi. 20-daqiqa yana bir qulay imkoniyat qo'ldan boy berildi. Filip Rayevats jarima maydonchasi ichida raqiblarni aldashga tushib ketdi. Lekin to'pini oldirib qo'ydi. 32-daqiqada mehmonlar jarima maydonchasi ichida Filip Rayevatsni yiqitishdi. Hakam bu vaziyatda qoida buzilmgan deb topdi. Birinchi bo'lim yakunlanishi arafasida vakillarimiz ikkinchi golni kiritishlari mumkin edi. Ammo Ibrohim Rahimovning boshi bilan bergan zarbasi manziliga etib bormadi. Birinchi taym shu hisobda intiho topdi. 48-daqiqa jarimadan oshirilgan to'pni Filip Rayevats boshi bilan raqib darvozasiga aniq joylab qo'ydi. Serbiyalik hujumchi qatorasiga to'rtinchi o'yinda raqib darvozasini ishg'ol etdi. 55-daqiqada mehmonlarda gol uchun imkoniyat vujudga keldi. Abdumalik Abdullaev birga-bir vaziyatga chiqib borib bergan zarbasi darvoza yonidan o'tib ketdi. 79-daqiqa hisob qisqardi. Jarima maydonchasi ichida vujudga kelgan pala-partishlikdan so'ng, Sardor Sulaymonov darvozamizni ishg'ol etdi. 85-daqiqa Murod Xolmuhammedovning jarimadan tepgan to'pini Naumov arang qaytarib qoldi. 88-daqiqa mehmonlar futbolchisi Sardor Sulaymonov qizil kartochka bilan jazolandi. Hakam qo'shib berilgan daqiqalarda Andrey Sidorov mehmonlar posboni bilan yakkama-yakka chiqib tepgan to'pi darvoza ustuniga tegdi. Qolgan daqiqalarda har ikki jamoa harchand o'rinishmasin, to'p kiritish hech kimga nasib etmadi. Shu tariqa jamoamiz mavsumdagi uchinchi g'alabasini qo'lga kiritdi va ochkolar sonini 10taga etkazib oldi.   Oliy liga 5-tur “Qo'qon-1912” – “Dinamo” – 2:1 (1:0) Hakamlar: V. Kovalenko (Toshkent), A. Rasulov (Toshkent), J. Saidov (Toshkent), A. Shukurullaev (Toshkent) Nazoratchi: R. Serazetdinov. O'zPFL vakili: A.Frolov. Gollar: Nosir Otaqo'ziev-15, Filip Rayevats-48. – Sardor Sulaymonov-79. “Qo'qon-1912”: 21. Muzaffar Abdullaev, 4. Bahodir Akramov, 5. Jalil Kimsanov, 9. Nosir Otaqo'ziev (97. Oybek Rustamov-46), 10. Javohir Sidiqov, 19. Suhrob Berdiev, 23. Aleksandr Merzlyakov, 24. Ibrohim Rahimov (11. Andrey Sidorov-57), 26. Akmal Xolmurodov, 77. Murod Xolmuhammedov, 99. Filip Rayevats (8. Sobir Hamidov-90+1). Zaxira:13. Nikita Ribkin, 7. Jamshid Hasanov, 55. Darko Gojkovich, 85. Ruslan Melziddinov. “Dinamo”: 1. Mixail Naumov, 2. Mirkomil Lokaev, 3. Bunyod Isroilov, 6. Akmal Bozorov, 8. Jasur Azimov, 9. Sardor Sulaymonov, 10. Javohir Qahramonov, 14. Radu Rogak, 18. Damir Nizanov (20. Amir Safarov-53), 22. Abdujamol Isroilov, 23. Komil Sharofutdinov (11. Abdumalik Abdullaev-52). Zaxira: 16. Rustam Toshturdiev, 4. Hakim Alamxonov, 21. Iskandar Xolmurzaev, 24. Temur Fayzullaev.
— deya xabar beradi uff.uz nashri.