Olmaliqda oliy liga 5-turi uchrashuvi nihoyasiga etkach, jamoamiz ustozi Ro'ziqul Berdiev o'yin haqida quyidagi fikrlarni bildirdi. -“Olmaliq”ni g'alaba bilan tabriklayman. Ular bizning xatolarimizni kutib o'ynadi. Xatoimiz uchun bizni jazolashdi. Olmaliqliklar yaxshi himoyalanishdi. Bizda imkoniyatlar bo'ldi. Ammo vaziyatlarni golga aylantira olmadik. Odil Hamrobekov ikkita o'yinda to'liq harakat qildi. Shuning uchun uni zaxirada qoldirgandik. Asosiysi bizda 3 ta tayanch yarim himoyachisi bor. Ularning barchasiga imkon berayapmiz. Bugungi o'yinni Rahmatullaev va G'anievga ishonib topshirgandik. Keyingi uchrashuvlarda Hamrobekov to'liq yordam beradi. Shaxboz Erkinov kecha mashg'ulotlarda jarohat oldi. Uning yo'qligi ham bugun bilindi. Hujumda o'ynagan Bobir Abduholiqov ozgina yoshlik qildi. Eldor Suyunov jarohatidan foriq bo'ldi. Keyingi o'yinlarda u maydonga tushadi.
— deya xabar beradi uff.uz nashri.