Taqvimga ko'ra, Toshkentning “Bunyodkor” jamoasi oliy liga so'nggi turida “Qo'qon-1912” jamoasini qabul qiladi. Qayd etish kerakki, o'z maydonida Jizzaxning “So'g'diyona” klubiga mag'lubiyatga uchragan qo'qonliklar bosh murabbiyi Rustam Abdullaev iste'foga chiqarildi. Bizdagi ma'lumotlarga ko'ra, jamoa a'zolari shu kunlarda ta'tilga chiqishgan. Raqibimiz “Bunyodkor”ga qarshi kechadigan bahsga 14 noyabrdan tayyorgarlikni boshlaydi. “Qo'qon-1912”ga vaqtincha Muxsin Nizomiddinov bosh murabbiy vazifasini bajarib turadi. Eslatib o'tamiz, 30-tur doirasidagi “Bunyodkor” – “Qo'qon-1912” uchrashuvi 20 noyabr kuni “Bunyodkor” stadionida soat 14:00da boshlanadi.
— deya xabar beradi uff.uz nashri.