Madridliklar «Leganes» ustidan qozonilgan g'alabadan so'ng, «Atletiko» qarshi kechadigan derbiga tayyorgarlikni boshlab yubordilar. «Leganes» bilan o'yinning ertasidanoq «qaymoqranglilar» mashg'ulotlarni boshladilar. Mashg'ulot paytida futbolchilar ikki guruhga bo'lindilar: «Leganes»ga qarshi o'yinda asosiy tarkibda maydonga tushgan futbolchilar yugurish va tiklanish mashqlirini bajardilar, undan so'ng esa trenajer zalida mashg'ulot o'tadilar. Ashraf Xakimi, Entso Zidan, Alvaro Texero va qolgan o'yinchilar to'p bilan mashqlar, tezlikka yugurish, darvozaga jarba, dioganal to'p uzatish kabi vazifalarni bajardilar. So'ngra ikki kichik jamaoga bo'linib futbol o'ynadilar. Rafael Varan esa jarohati tufayli mashg'ulotlarda qatnasha olmadi. Bugun esa «Real» futbolchilari Valdebebasdagi bazada derbi oldidan so'nggi mashg'ulotni o'tkazdilar. Mashg'ulotlarda ko'proq to'p nazoratiga e'tibor qaratildi. Zidan ertangi uchrashuv zayavkasiga 23 futbolchini kiritdi. Ular bilan tanishing: Darvozabonlar: Keylor Navas, Kiko Kasilya, Ruben Yanes. Himoyachilar: Dani Karvaxal, Pepe, Serxio Ramos, Marselo, Nacho Fernandes, Danilo, Fabio Koentrao. Yarim himoyachilar: Toni Kroos, Xames Rodriges, Kazemiro, Mateo Kovachich, Luka Modrich, Marko Asensio, Isko. Hujumchilar: Krishtiano Ronaldu, Karim Benzema, Garet Beyl, Lukas Vaskes, Mariano Dias, Alvaro Morata. Bizning taxmin: Keylor Navas, Dani Karvaxal, Pepe, Serxio Ramos, Marselo, Toni Kroos, Kazemiro, Isko, Krishtiano Ronaldu, Karim Benzema, Garet Beyl. Ertaga «Real»ni oson bo'lmagan o'yin kutib turibdi, ushbu bahsdagi g'alaba Qirollik klubini chempionlikka yanada yaqinlashtiradi. Uchrashuv ertaga 8 aprel kuni soat 19:15 da boshlanadi. Qiziqarli bahsni o'tkazib yubormang! HALA MADRID!!!
— deya xabar beradi uff.uz nashri.