Madridning "Real" klubi bosh murabbiyi Zinedin Zidan "Atletiko"ga qarshi kechgan o'yin (1:1) haqida fikr bildirdi.
"Kelajagim haqida boshqa birovdan so'raganingiz ma'qul. Men hozir faqat jamoaning tayyorgarligi va bugungi kunim bilan yashamoqdaman.
Biz juda yaxshi o'ynadik, ammo biroz e'tibor etishmadi. "Atletiko" esa yaxshi o'yin o'tkazdi, deb ayta olmayman.
O'yin oxirida o'zimizni yaxshi ko'rsata olmadik. Ikkinchi golni urishimiz kerak edi va oxirgi besh daqiqada yaxshiroq himoyalanish zarur edi. Natijadan hammamiz norozimiz. Ammo xotirjamlikni saqlab, EChLda "Bavariya"ga qarshi kechadigan o'yin haqida o'ylash lozim.
Muammo jamoaning jismoniy tayyorgarligida, deb o'ylamayman. Bizga shunchaki biroz e'tibor etishmadi. Bugun jamoa bo'lib yaxshiroq himoyalanish lozim", - deydi Zidan.
— deya xabar beradi uff.uz nashri.