“Barselona” jamoasi hujumchisi Neymar “Malaga”ga qarshi (0:2) uchrashuvning 65-daqiqasida ikkinchi sariq kartochka olib maydonni tark etgandi. Braziliyalik futbolchi maydonni tark etayotganida zaxira hakamiga nisbatan istehzoli qarsak chalib, tribuna ichiga kirib ketdi.   Neymar “Real Sosedad”ga qarshi 15 aprel kuni bo'lib o'tadigan La Liga 32-turini aniq qo'yib yuboradi. Agar La Liga nazorat-intizim qo'mitasi Neymarni sportga xos bo'lmagan xatti-harakati bo'yicha jazolasa, u 2–3 o'yinga diskvalifikatsiya qilinishi mumkin. Bu esa uning “Real”ga qarshi 23 aprel kuni bo'lib o'tadigan “El-Klasiko”dagi ishtirokini xavf ostiga soladi. 
— deya xabar beradi uff.uz nashri.