Ispaniya chempionatining 31-turidan o'rin olgan «Real» hamda «Atletiko» klublari o'rtasidagi Madrid derbisidan so'ng tashkillashtirilgan matbuot anjumanida murabbiylar o'z fikrlarini bildirib o'tdilar. Zinedin Zidan: «Atletiko» yaxshi o'ynadi deb ayta olmayman
O'yindagi natija haqida «Bugungi ko'rsatgan o'yinmizni hisobga olib aytadigan bo'lsam, qo'lga kiritgan ochkodan xursand emasmiz. Hozir dam olishimiz va boshqa musoboqa doirasida chorshanba kuni kechadigan o'yinga tayyorgarlik ko'rishimiz kerak – unda g'alaba qozonishga harakat qilamiz. Bugungi o'yinga keladigan bo'lsak, bu – futbol, unda hamma narsa bo'ladi». Yomon yakun haqida «Bugun yaxshi o'yin namoyish etdik, ammo so'nggi besh daqiqada kontsentratsiyani yo'qotib qo'ydik. Bugun «Atletiko» yaxshi o'ynadi deb ayta olmayman, biz ikkinchi golni kirita olmadik, himoyani mustaxkam ushlay olmadik va o'yin oxirida gol qo'yib yubordik». Pepening jarohati va Toni Kroosning almashtirilishi haqida «Murabbiy futbolchini almashtirar ekan, demak u o'yin natijasidan qoniqmayotgan bo'ladi, ammo Pepening o'zgartirilishi majburiy edi. Iskoni tushirishimdan maqsad: u chap qanot himoyasiga yordam berishi kerak edi, chunki u to'pni o'zida yaxshi ushlay oladi. Afsuski, o'yin so'nggida himoyada yaxshi harakat qilolmadik». Yoqimsiz durang haqida «Biz bugun durang qayd etdik, ammo haqiqatda ikki ochko yo'qotdik, bugungi o'yinda hotirjamlik bilan uch ochkoni qo'lga qiritishimiz mumkin edi. Hammasi bir-biriga bog'liq masalan: maydondagi o'yindan kelib chiqib aytadigan bo'lsa, «Alaves»ga qarshi bahsda biz yirik hisobda g'alaba qozonmasligimiz kerak edi. Bugun durang qayd etdik, endi buni o'zgartirib bo'lmaydi. Chempionlik uchun kurash so'nggi lahzalargacha davom etadi». O'tkazib yuborilgan gol va ruhiy holat borasida «Men o'sha vaziyatda nima sodir bo'lganini bilmayman, uni tahlil qilishimiz kerak. Umuman himoyalana olmadik deb ayta olmayman, biroq shunisi aniqki ushbu vaziyatda yaxshi o'ynamadik va maydonda noto'g'ri joylashgan edik. Albatda, hozir biroz jahlim chiqqan. Tushkunlikka tushib qoldim deya olmayman, ammo jahlim chiqqani aniq. Har qanday vaziyatda hotirjamlikni saqlashga va optimistik fikrlashga harakat qilaman». Klub bilan shartnlma borasida «Bu savolni menga bermang, men har jihatdan maksimal kuch bilan ishlamoqdaman va «Madrid»ni ko'proq boshqarishni ko'zlamoqdaman. Har xil mish-mishlar kelib chiqmasligi uchun, boshqa bu haqida gapirishni istamayman». Charchoq alomatlari haqida «Muammo jamoaning jismoniy tayyorgarligida, deb o'ylamayman. E'tiborni yo'qotganimiz uchun gol o'tkazib yubordik, bu erda jismoniy holattning aloqasi yo'q». Antuan Grizmann borasida «U o'z ishining ustasi va ushbu mavsumda ko'plab gollar urmoqda. Shuningdek, bugun ham maydonni golsiz tark etmadi». Diego Simeone: G'alabaga yaqin edik O'yin haqida «Birinchi bo'limda raqib to'pni nazorat qilgan bo'lsada, ularda xavfli vaziyatlar bo'lmadi. Ikkinchi bo'lim boshidagi 20-25 daqiqa bizga oson bo'lmadi, biroq undan so'ng o'zgartirishlar natijasida maydon markazida ishonchliroq harakat qildik. Biz Anxel Korreaning hujumda erkin harakat qilishiga zamin yaratdik, o'yin so'ngida g'alabaga yaqin edik». Fernando Torres borasida «U katta ko'lamli ishni bajardi va ko'p kurashdi. Torresda golli vaziyat bo'ldi, biroq raqib darvozaboni yaxshi harakat qildi. So'nggi daqiqalarda bizga hujumda «yangi qon» kerak edi, shuning uchun Korreani maydonga tushirdim va u Grizmann bilan birgalikda juda yaxshi harakat qildi». Antuan Grizmann haqida «Grizmann – juda iste'dodli futbolchi, uning to'p bilan ishlashini ko'rish shunchaki yoqimli. Boshida unga oson bo'lmadi, ammo hozirgi darajaga chiqa olganidan juda shodman. Bugun u ajoyib harakat qildi, shuningdek Stefan Savich, Diego Godin va Filipe Luislar ham yaxshi o'ynashdi. O'yin so'nggida g'alabani ilib ketishimiz mumkin edi». Charchoq haqida «O'ylaymanki, jamoa yaxshi formada. Birinchi bo'limda tezlik evaziga raqibga turib berdik. Kombinatsiyalarimiz o'xshay boshlaganidan so'ng bizga osonroq bo'ldi». EChLdagi raqib - «Lester» borasida «Hozirda ular avvalgi muammolarini hal qilib ulgurdilar. «Lester» EChL chorak finalidagi boshqa jamoalarga o'xshamaydi: ular qiyin va og'ir raqibdirlar». Shuningdek ba'zi futbolchilar fikrlari bilan ham tanishing. Serxio Ramos «Shunday yaxshi o'yin bilan bir ochko olish alamli. Ha, bizga so'nggi daqiqalarda diqqat etishmadi, ammo biz bahsning ko'p vaqtida ustunlikka ega bo'ldik. Raqib o'zining kuchli tomonlarini yaxshi biladi va ular o'yin so'nggida bundan foydalandilar. Oxirida o'tkazib yuborilgan gol har doim alamli bo'ladi, bundan kerakli xulosalarni chiqarishimiz va bunday holat boshqa qaytarilmasligiga harakat qilishimiz kerak. Endi bizni Myunxenda «Bavariya»ga qarshi o'yin kutib turibdi, u erda so'nggi qonimiz qolgunicha kurashamiz va undan keyin «Barselona»ni qabul qilamiz. Hal qiluvchi Klasiko bizning maydonda bo'ladi, bu esa bizga katta ustunlik beradi. Bu mavsum La Ligada chempionlik uchun kurash juda qizg'in ketmoqda va har qanday xato jamoaga qimmatga tushishi mumkin. Bizda ajoyib tarkib bor va futbolchilar o'rtasidagi raqobat bizni kuchaytiradi. Biz hammamiz o'ynashni xohlaymiz va almashtirishlar hech kimga yoqmaydi, shuning uchun Zidan Xamesning hissiyotlarini to'g'ri tushunishini aytib o'tdi. Shunchaki o'z terma jamoasida etakchi bo'lgan futbolchilar «Real»da qanday rol o'ynashlarini tushunib olishlari kerak. Agar Antuan Grizmann yoki shunday darajadagi futbolchilar bizning jamoaga kelmoqchi bo'lsalar, muammo yo'q, «Real»ning eshiklari barcha uchun ochiq». Marselo «Biz 85 daqiqa davomida katta ustunlikka ega bo'ldik, ammo so'nggi daqiqalarda e'tiborni yo'qotdik va buning uchun jazolandik. Xatolar ustida ishlashimiz va «Bavariya»ga qarshi o'yinga tayyorgarlik ko'rishimiz kerak. Umid qilamanki, Pepening jarohati jiddiy emas».
— deya xabar beradi uff.uz nashri.