O'zbekiston Kubogining 1/16 finalida "Paxtakor" "Nurafshon"ni qiyinchilik bilan mag'lubiyatga uchratdi. Birinchi liga ishtirokchisi sanalgan buxoroliklar himoyada juda yaxshi o'yin namoyish etishganini ta'kidlash lozim. Ular jamoamiz uyushtirgan barcha hujumlarni bartaraf etishdi. Ba'zi vaziyatlarda Spirodonov yaxshi o'ynadi. G'olib nomi penaltilar seriyasida aniqlandi. Unda futbolchilarimiz aniqroq o'ynashdi. Andreev, Bulyat, Iskanderov, Karimov va Lobanov zarbalarni bexato ijro etishdi. O'z navbatida Lobanov mezbonlardan Sulaymonovning zarbasini qaytardi. Shu tariqa "Paxtakor" nimchorak finalda "Nasaf" bilan to'qnash keladi. "NURAFShON" - "PAXTAKOR" - 0:0 (pen. bo'yicha 3:5)
10 aprel. Buxoro. "Buxoro" stadioni.
Hakamlar: I.Ibrohimov, B.Kannazarov, J.Sarsenov.
Nazoratchi: F.Abdullaev.
"Nurafshon": Spiridonov, Hotamov, Ramazonov, Qahhorov, Ilin, Ashurov, Boboqulov, Sulaymonov, Qoryog'diev, Fayziev, Aslonov.
"Paxtakor": Lobanov, Kozak, Oraxovats, Bulyat, Alijonov (Hoshimov, 46), A.Ahmedov, Ismatullaev, Karimov, Iskanderov, Nurullaev (Andreev, 56), Hakimov (Yaxshiboev, 67).
— deya xabar beradi uff.uz nashri.