“Yuventus” himoyachisi Leonardo Bonuchchi ertaga bo'lib o'tadigan “Barselona”ga qarshi uchrashuv oldidan PSJ mag'lubiyati (6:1) haqida to'xtalib o'tdi. “Hech bir Italiya klubi PSJ kabi “Barselona”ga mag'lubiyatga uchramagan bo'lardi. Agar PSJ “Barselona”ga qarshi uchrashuvni qayta o'tkazsa frantsiyaliklar umuman mag'lubiyat haqida o'ylashmasdi. Bu mag'lubiyat PSJga katta dars bo'ldi, ular futbolda hatto 4:0 hisobda oldinga bora turib, mag'lub bo'lish nima ekanligini yaxshi tushunib olishdi”, - deydi Bonuchchi La Gazzetta Dello Sport. Eslatib o'tamiz, PSJ EChL pley-off bosqichida 6:1 hisobida imkoniyatni boy berib, musobaqani tark etgandi.
— deya xabar beradi uff.uz nashri.