"Barselona" bosh murabbiyi Luis Enrike "Malaga"dan uchralgan 0:2 hisobidagi mag'lubiyatda yarim himoyachi Andre Gomeshni ayblayotgan muxlislarga e'tiroz bildirdi.

"Menimcha faqat bir yoki ikki futbolchini mag'lubiyatda ayblash - razillik. Men o'z futbolchimni himoya qilishda davom etaman, futbol - jamoaviy sport turi. Shu sababli kimnidir barcha narsada ayblash mutlaqo adolatsizlik.

Ha, biz hamma jabhadan kuchayishimiz lozim, ammo faqat bir kishiga tosh otish ancha yoqimsiz", - deydi murabbiy.

Eslatib o'tamiz, 23 yoshli yarim himoyachi o'tgan yilning yozida "Valensiya"dan 35 million evroga sotib olingan edi. Qo'shimcha mukofot pullari bilan birga Gomeshning transfer qiymati 55 million evroga etishi mumkin.


— deya xabar beradi uff.uz nashri.