O'zbekistonlik FIFA referisi Ravshan Ermatov OChL–2017 turniri “F” guruhi 5-turidan o'rin olgan “Shanxay SIPJ” (Xitoy) – “Seul” (Janubiy Koreya) uchrashuviga bosh hakam etib tayinlandi. Unga qanotlarda Adbuhamidullo Rasulov va Jahongir Saidov assistentlik qiladi. To'rtinchi hakam vazifasini tailandlik Mongkolchai Peshri bajaradi. Uchrashuv komissari etib tailandlik Pairit Tanpairi tayinlandi. Hakamlar nazoratchisi – Subhiddin bin Muhammad Salah (Malayziya). Ma'lumot uchun, “Shanxay SIPJ” – “Seul” uchrashuvi 26 aprel kuni Shanxay shahridagi Shanghai Stadium maydonida bo'lib o'tadi. O'yin mahalliy vaqt bilan 19:30 (Toshkent vaqti bilan 16:30)da boshlanadi. 
— deya xabar beradi uff.uz nashri.