Futbol o'yinida yashil rangdagi kartochkalardan foydalanish g'oyasi regbi mutaxassislarini ham ilhomlantirib yubordi. Natijada, Avstraliya regbi federatsiyasida o'yinga bog'liq yangi qoida va tartiblar joriy qilindi. Interfutbol.uz portali esa bu masalaga kengroq to'xtalmoqchi... 2016 yil oxirlarida Italiya «B» seriyasida tarixiy uchrashuv bo'lib o'tdi. Bu o'yining ahamiyati shunda ediki, unda futbol olamida shu paytgacha kuzatilmagan voqea ro'y berib, hakam ilk bor o'yinchiga yashil kartochka ko'rsatdi. E'tiborlisi, yashil tusdagi to'rtburchak qog'oz futbolchini jazolash uchun emas, rag'batlantirish uchun namoyish qilingandi. Mazkur kartochka kimga ko'rsatilishini esa bugungi kunda ko'pchilik yaxshi biladi: kim o'yin qoidalariga to'laqonli amal qilib, boshqalarga namuna bo'lsa, o'shanga! Bunday turdagi qo'shimcha choraning qabul qilinishiga «fair play» qoidalari sabab bo'lgani aniq. Chunonchi, «fair play» futbolning jozibasini oshirishga xizmat qilsa, sportning regbi turida e'tibor ko'proq o'yinchilar xavfsizligini ta'minlashga qaratiladi. Shu bois, regbida ham futboldagi «yashil kartochka»ga o'xshash alohida qoida joriy qilindi. Avstraliya regbi federatsiyasi g'oyasi bilan amalga tadbiq etilgan «ko'k kartochka» va uning shartlari quyidagicha: U kimga ko'rsatiladi? Biror-bir regbi o'yinchisiga hakam tomonidan ko'k rangdagi kartochka ko'rsatildimi, bilingki, referi o'sha sportchining miyasi chayqalgan degan fikrda. To'g'ri, bu biroz g'alatiroq tushuncha. Ammo yangi qoida joriy etilishining sababi ham shunda: o'yinchilarni ehtiyot qilish lozim. Qizig'i shundaki, ko'k kartochkaga loyiq topilgan o'yinchi darhol maydonni tark etishi shart va u o'yinga qaytishi uchun bir qator talablarni bajarishi kerak bo'ladi. Jumladan, o'sha o'yinchi 24 soat davomida dam olishi, keyingi 20 kun davomida shifokor ko'rigidan o'tishi va mash-g'ulotlarni boshlash uchun tibbiyot xodimlaridan rasmiy ruxsatnoma olishi lozim. U qaerda ko'rsatiladi? Yangi qaror ijrosi eng avval, Avstraliyaning regbi bo'yicha bolalar va o'smirlar turnirlarida kuzatildi. Statistikaning guvohlik berishicha, aksariyat bo'lajak regbichilar aynan shu davrda miya chayqalishiga duchor bo'larkan. Zero regbi - qanchalik to'qnashuvlarga boy sport turi ekani barchaga ma'lum. Nega endi shu yoshda, degan savol tug'iladi. Gap shundaki, bolalar va o'smirlar jamoalarida malakali shifokorlar doim ham uchrayvermaydi. Bu esa tabiiyki, jarohat olgan biror-bir yosh sportchiga qo'shimcha muammolarni yaratishi mumkin. Yangi qoida joriy qilingach, regbichi o'zi hohlamasa-da, maydonni tark etadi. Ammo buning evaziga uning eng aziz boyligi - sog'lig'i saqlab qolinadi. Mazkur loyiha hozircha faqat bolalar va o'smirlar regbisida qo'llaniladi va professional regbiga ta'sir o'tkazmaydi. Aslida esa, uni bemalol profesionallarda ham sinab ko'rish zarar qilmasdi. Zero regbi tarixidagi qanchadan-qancha iste'dodli o'yinchilar aynan miya chayqalishi tufayli faoliyatini kutilganidan ancha ertaroq yakunlashga majbur bo'lishgan Ko'k kartochka kimning faoliyatini qutqarib qolishi mumkin edi? Bu hali hammasi emas, davomi bu erda InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.