Angliya Premer ligasi ayni qizg'in pallaga kirdi.  Yo'q,  bu erda chempionlik uchun kurash qiziqarli kechmayapti.  Asosiy kurash Chempionlar ligasi uchun beriladigan yo'llanma uchun kechishi aniq.  1-o'rinda borayotgan “Chelsi”,  5-pog'onadagi “Manchester Yunayted”dan 18 ochko ilgarilab ketganini,  chempionat tugashiga 7 tur qolganini inobatga oladigan bo'lsak,  “aristokratlar” deyarli Chempionlar ligasi yo'llanmasini qo'lga kiritib bo'lishdi.  Xattoki Konte shogirdlari qolgan 7 o'yinda yutqazgan taqdirda ham,  “qizil iblislar”ning 100 foizlik natija qayd etishi amri mahol.  2-o'rinda ketayotgan “Tottenxem” jamoasi esa MYudan 11 ochko ilgarilab ketgan.  Demak,  Pochettino shogirdlari ham ChL yo'llanmasiga ega chiqishlari kutilmoqda. Asosiy kurash qolgan 4 jamoa “Liverpul”,  “Manchester Siti”,  “Manchester Yunayted” va “Arsenal” o'rtasida kechadi.  Mavsum avvalida ushbu to'rtlik 3-4-o'rinlar uchun kurashadi desa ko'pchilik ishonmasdi.  Biroq bu bugungi kunning haqiqatiga aylanib ulgurdi.  Endi 4 ta jamoaning ham qolgan o'yinlar taqvimi va ularning imkoniyatlari haqida to'xtalib o'tsak. “Liverpul” 32 o'yin.  63 ochko.  3-o'rin 16.04 “Vestr Bromvich” – “Liverpul” 23.04 “Liverpul” – “Kristal Pelas” 01.05 “Uotford” – “Liverpul” 07.05 “Liverpul” – “Soutgempton” 13.05 “Vest Xem” – “Liverpul” 21.05 “Liverpul” – “Midlsbro” Eng oson taqvim “Liverpul”da desak aslo mubolag'a bo'lmaydi.  Klopp shogirdlari kuchli oltilikdagi barcha jamoalar bilan ikki martadan o'ynab bo'lishdi va ularda eng yaxshi ko'rsatkich qayd etishdi.  Biroq “qizillar”ning muammosi bu autsayder va o'rtamiyona jamoalar hisoblanadi.  Liverpulliklar kutilmaganda ochko yo'qotishlari ko'p bora qayd etilgan.  Biroq Kloppning jamoasi Chempionlar ligasiga yo'llanmasiga ega chiqishiga shubha qiluvchilar kamchilikni tashkil qilsa kerak.  “Manchester Siti”.  31 o'yin.  61 ochko.  4-o'rin 15.04 “Sautgempton” - “Manchester Siti” 22.04 “Manchester Siti” – “Vest Bromvich” 27.04 “Manchester Siti” – “Manchester Yunayted” 30.04 “Midlsbro” - “Manchester Siti” 06.05 “Manchester Siti” – “Kristal Pelas” 13.05 “Manchester Siti” – “Lester” 21.05 “Uotford” - “Manchester Siti” Gvardiola Ispaniya va Germaniyadagi 7 yillik faoliyati davomida 6 marta chempion bo'lib,  atigi 1 marta 2-o'rinni egallagan edi.  U Angliyada ham muvaffaqiyataga erishishi kutilayotgan edi.  Ammo Pep Tumanli albionda chempionlikni emas,  ChLda beriladigan yo'llanmani orzu qilib yuribdi.  “Shaharliklar”ning taqvimi ham chakki emas.  Ular eng asosiy raqibi bo'lgan “Yunayted”ni o'z maydonida qabul qilishlarini inobatga olsak,  “Siti”ning 4-o'rinni qo'lga kiritishga bo'lgan imkoniyati,  hamshaharinikidan yuqori.  Davomi Furqat Yusupov blogida.
— deya xabar beradi uff.uz nashri.