"Lokomotiv" Chempionlar ligasi guruh bosqichi 4 turida o'z maydonida Eronning "Istiqlol" klubini qabul qildi va og'ir kechgan uchrashuvda g'alabani boy berib, durang qayd etdi.
1:1 hisobida yakuniga etgan o'yinda "Lokomotiv" g'alabaga juda yaqin kelgan edi. Uchrashuv "temiryo'lchilar"ning tashabbusi bilan boshlandi va 14 daqiqada Marat Bikmaev tomonidan hisob ochildi. Biroq goldan so'ng "Lokomotiv" g'alabani mustahkamlashdan ko'ra himoyaga ko'proq e'tibor berishga qaror qildi. Natijada tashabbus "Istiqlol" tomoniga o'tdi.
Ikkinchi bo'limda ham "Lokomotiv" himoyada o'ynashda davom etdi va qaltis hisobni ushlab qolishga harakat qildi. Biroq 87 daqiqada "Istiqlol" uyushtirgan hujum gol bilan yakunlandi va hisob tenglashdi.
Garchi "Lokomotiv"da g'alaba uchun etarlicha imkoniyat bo'lsada, undan foydalana olmadi. 88 daqiqada Marat Bikmaev juda qulay vaziyatda to'pga to'g'ri zarba bera olmadi. Shu tariqa uchrashuvda durang qayd etildi.
OChL, A guruhi, 4-tur
"Lokomotiv" - "Istiqlol" - 1:1
Gollar: Bikmaev 13 - Rizoiy 87
"Lokomotiv": Ignatiy Nesterov, Bobur Yo'ldoshev, Kaxi Maxaradze, Ikromjon Aliboev, Marat Bikmaev, Sardor Mirzaev, Islom To'xtaxo'jaev, Oleg Zoteev, Muhammad Kone, Diyor Turopov, Jaloliddin Masharipov,
"Istiqlol": Rahmati, Januario, Ibrohimi, Rizoi, Bagiri, Gorbani, Milad, G'afuri, Karimi, Ismoili, Padovani.
— deya xabar beradi uff.uz nashri.