Angliya futbol ligasi "Reding" Chempionshipdan Premer-ligaga chiqqan taqdirda uni musobaqadan chetlatish holatini ko'rib chiqmoqda.
Bunga sabab sifatida "Reding" xitoylik sarmoyadorlar bilan muzokara boshlagani ko'rsatilyapti. Klubni Day Yong va uning singlisi Day Syu Li sotib olishni istamoqda.
Bu tadbirkorlar 2016 yilning sentyabr oyida "Xall"ni sotib olishi mumkin edi ammo xarid jarayoni shaffof ko'rinish olmagani bois Angliya futbol ligasi savdoni to'xtatib qo'ydi. Agar "Reding" shunga qaramay xitoyliklarga sotiladigan bo'lsa, klub Premer ligaga qo'yilmasligi mumkin.
"Reding"ga 2014 yildan buyon tailandlik tadbirkorlar egalik qilib kelmoqda. Klubda moliyaviy muammolar bor va hatto bankrotlik e'lon qilinishi ham mumkin. Biroq klub Premer ligaga chiqsa 200 million funt ishlab oladi.
— deya xabar beradi uff.uz nashri.