“Atletiko” hujumchisi Kevin Gameyro ertaga bo'lib o'tadigan “Lester”ga qarshi uchrashuvda maydonga tusha olmasligi mumkin. Bu haqda UEFA matbuot xizmati xabar bermoqda. Frantsiyalik hujumchi bugun bo'lib o'tgan mashg'ulotlarni o'tkazib yubordi. Eslatib o'tamiz, Gameyro avvalroq “Real”ga qarshi kechgan uchrashuvni tizzasidagi kichik jarohati tufayli o'tkazib yuborgandi. Endilikda, Kevin “Lester”ga qarshi uchrashuvni ham o'tkazib yuborishga yaqin turibdi. Ma'lumot uchun, Kevin Gameyro joriy mavsum “Atletiko” tarkibida 39 uchrashuvda maydonga tushib 14 ta gol muallifiga aylangan.
— deya xabar beradi uff.uz nashri.